"Universal"da ananaviy taekvondo bo'yicha O'zbekiston kubogi boshlandi + FOTOGALEREYA

Musobaqa nizomiga ko'ra, sportchilar til va masogi yo'nalishlari, shuningdek, jamoaviy chiqishlar hamda maxsus texnika bo'yicha hakamlar nazoratidan o'tishyapti. 

SHu bilan birga AQSHdagi professional taekvondo federaciyasi bilan tuzilgan Memorandumga ko'ra, kombat taekvondo yo'nalishi bo'yicha ham 5 ta vazn toifasida ilk bora g'oliblar nomi aniqlanadi.

So'nggi 3 yil ichida ananaviy taekvondo milliy terma jamoasi xalqaro nufuzli musobaqalarda yuqori natijalarga erishdi. Jumladan, Niderlandiyada o'tgan Jahon chempionatida 3 nafar sportchi Oleg Kim, Asilbek Saidnazarov va Temur Muhammadjonov chempionlik shohsupasiga ko'tarilgan bo'lsa, yana ikki nafari sovrindor bo'ldi. 

Sportchilarimiz Koreya Respublikasi mezbonligida o'tgan Jahon kubogida ham kuchlilar qatorida etirof etildi. Qozog'iston, Kipr davlatlarida tashkil etilgan Gran-Pri turnirlarida vakillarimiz o'zlariga bildirilgan ishonchni oqlashdi.