Urganchdagi sport maktabida “Sportni sev, sport bilan yasha!” shiori ostida musobaqa o'tkazildi

O'zbekiston Respublikasi Prezidentining  “Jismoniy tarbiya va ommaviy sportni yanada rivojlantirish chora-tadbirlari to'g'risida”gi qarorini hayotga tadbiq etish, yosh sportchilarni mahoratini oshirish hamda ularni jismonan va manan barkamol ruhda voyaga etishini taminlash maqsadida uyushtirilgan musobaqada “Yoshlik” jamoasi (treneri Mansur Bobojonov) zafar quchdi. Ikkinchi o'rinni “Yoshlik-2” jamoasi (treneri Azamat Ro'zimbetov) egalladi. SHohsupaning uchinchi pog'onasidan  SO'EAIBO'SM jamoasi (treneri Rustam Botirov) joy oldi. G'olib va sovrindor jamoalar tashkilotchilar tomonidan taqdirlanishdi.

Mazkur birinchilikning ahamiyatga molik jihati shundan iborat bo'ldiki, musobaqa qatnashchilari SO'EAIBO'SMning “Sport muzeyi”ga ham tashrif buyurishdi. U erda sport maktabi direktori Jamoladdin Abdullaev yoshlarga mahorat maskani, uning taniqli sportchilari va ular tomonidan qo'lga kiritilgan salmoqli yutuqlar haqida atroflicha so'zlab berdi. O'z navbatida yosh gandbolchilar sport maktabining tarixi va muvaffaqiyatlari aks etgan fotosuratlar,  diplom va faxriy yorliqlar hamda kuboklarni miriqib tomosha qilishdi. 

Ikrom XUDOYBERGANOV, Urganch shahridan