30 avg 16:11
Yangiliklar

Tennis

US Open. 38 yoshli Novak Jokovich 1/8 finalga chiqdi

Nyu-York shahrida tennis bo'yicha "Katta Dubulg'a" turkumiga kiruvchi AQSH Ochiq chempionati davom etmoqda.

Dunyoning ettinchi raketkasi Novak Jokovich 1/16 finalda ATP reytingining 35-pog'onasida borayotgan britaniyalik Kemeron Norrini to'rt set natijasiga ko'ra mag'lubiyatga uchratdi - 6/4, 6/7(4), 6/2, 6/3.

Tennischilarning o'zaro uchrashuvlaridagi hisob yanada yiriklashdi - 7:0. Ikki soatu 49 daqiqa davom etgan bahsda Jokovich 18, Norri 9 ta eys zarbasini amalga oshirgan. Qo'shxatolar va breyklar bo'yicha mos ravishda 6 ga 4 va 5 ga 1 ko'rinishida Novak foydasiga hal bo'ldi.

Novak Jokovich faoliyatida 16-marotaba US Open turnirining 1/8 final bosqichiga etib keldi. Endi u chorak final chiptasi uchun germaniyalik Yan-Lennard SHtruffga qarshi kortga chiqadi.