30 avg 17:37
Yangiliklar

Tennis

US Open. Amaldagi chempion unvon himoyasini davom ettirmoqda

Dunyoning birinchi raketkasi Arina Sobolenko tennis bo'yicha "Katta Dubulg'a" turkumiga kiruvchi AQSH Ochiq chempionatining 1/8 final ishtirokchisiga aylandi.

Belaruslik tennis malikasi 1/16 finalda WTA reytingida 30-o'rinni egallab turgan kanadalik Leyla Fernandesni 6/3, 7/6(2) hisobida mag'lubiyatga uchratdi. Bu g'alabasi evaziga Arina tennischilarning o'zaro uchrashuvlaridagi hisob muvozanatini tiklab qo'ydi - 1:1.

Roppa-rosa 100 daqiqa davom etgan bahsda Sobolenko 6, Fernandes 5 ta eys zarbasini amalga oshirgan. Qo'shxatolar Arinada ko'proq bo'ldi - 4 ga 3. Endi US Open turnirining amaldagi chempioni 1/8 finalda ispaniyalik Kristina Bukshaga qarshi kortga chiqadi.