Usik birinchi jang oldidan Fyurini qanday mag'lub etishni bilmaganini tan oldi

Ular o'rtasidagi jang 2024 yil 19 may kuni Ar-Riyodda bo'lib o'tgan va hakamlarning qarori bilan Usik g'alabaga erishgandi. 

"Birinchi jang uchun shartnoma imzolaganimizda va jangga ikki oy qolganda, jamoamga: "Qanday qilib g'alaba qozonishni bilmayman, lekin baribir g'alaba qozonaman", deb aytganman. Ayrim raundlarda u ayovsiz jangchi edi, lekin men bardosh berdim, chunki boshidanoq bu jang uzoq davom etadigan o'yin ekanini tushunganman. Men esa marafonchimanku", — dedi Usik GQ Sports jurnaliga bergan intervyusida.