26 sen 09:17
Yangiliklar
Boks/MMA
Usik Joshuaning Dyubua bilan jangdagi asosiy xatosini aytdi
Ukrainalik professional bokschi, superog'ir vazn toifasida jahon chempioni Aleksandr Usik britaniyalik Entoni Joshuaning hamyurti Daniel Dyubua bilan jangi haqida gapirdi.
22 sentyabr kuni Londonda bo'lib o'tgan jangda Dyubua Joshuani 5-raundda nokautga uchratib, IBF chempionlik kamarini qo'lga kiritgandi.
"Daniel ringga chiqqanida uning ishtiyoqini va diqqatini jamlaganini ko'rish mumkin edi. Entonida ham shunday edi, ammo Joshuaning jangda harakatlanish usuli juda xavfli edi. U ortga qadam tashlash o'rniga orqaga suyanib zarbalardan qochdi va qo'llarini pastga tushirdi. Bu boks, qolaversa og'ir vazn toifasi — bitta zarba va hammasi tugadi", dedi Usik.
Aleksandrning o'zi 21 dekabr kuni britaniyalik Tayson Fyuriga qarshi ikkinchi jangini o'tkazadi. Jang Ar-Riyod (Saudiya Arabistoni) shahrida tashkil etiladi.
Havola :
Manba : primesport
Fikrlar