Usikning menejeri Fyurining shartlari haqida: "U Aleksandrdan iloji boricha uzoqroq qochish yo'lini topishga harakat qilyapti"

Og'ir vazn toifasida WBA, WBO va IBF yo'nalishlari chempioni Aleksandr Usikning menejeri Aleksandr Krasyuk WBC chempioni Tayson Fyurining shartlariga munosabat bildirdi.

Britaniyalik bokschi jang sharnomasida revansh o'tkazilishi qayd etilmasligi kerakligini aytgan edi.

“Usik aytganidek, meshqorin hali ham jangdan chiqish yo'lini topishga umid qilmoqda. Biz buni avvaldan bilardik, hozir ham bilamiz.

Usik revansh o'tkazmaslik bandini qabul qilgach, Tayson jangni bekor qilish uchun yana nimadir qidiradi. U Usikning 70/30 shartiga rozi bo'lishini kutmagandi.

Bu hammasi emas. U tayyor emas, jang qilishdan qo'rqadi. Fyuri imkon qadar uzoq vaqt davomida Usikdan qochish yo'lini topishga harakat qiladi. Biz unga ishonmaymiz. Men birortasi Usik bilan jang qilishiga ishonmayman. Fyuri baribir chiqish yo'lini topishga harakat qiladi", - dedi Krasyuk.