Usikning menejeri Uaylderga qarshi jangning taxminiy muddatini aytdi

Ukrainalik bokschi 2026 yilning aprel oyi oxiri yoki may oyi boshida Uaylderga qarshi jangda ringga qaytishni rejalashtirmoqda, dedi 38 yoshli ukrainalik bokschining menejeri Egis Klimas. Uning so'zlariga ko'ra, Usik yana bir nechta jang o'tkazishni rejalashtirmoqda.

"Biz Usikni Uaylderga qarshi jangda ko'rishimiz ehtimoli katta, - dedi Klimas The National nashriga bergan intervyusida. - Biz hozir ushbu jang ustida ishlayapmiz, shuningdek, Aleksandr uchun bir nechta jang variantlari ham bor. Kelishuv tasdiqlangach, jangni tashkillashtirishga kirishamiz. Va biz allaqachon Uaylder jamoasi bilan bazi masalalarni muhokama qilyapmiz".

"Biz ushbu jangni aprel oyi oxiri yoki may oyi boshida Las-Vegas yo Los-Anjelesda o'tkazishni rejalashtiryapmiz, - deya qo'shimcha qildi Klimas chempionning navbatdagi jangi sanasi va joyi haqida. - Uaylder - Aleksandr hali ringda to'qnash kelmagan eng yaxshi nomlardan biri. U hali ham yaxshi formada, hali ham chiqish qilmoqda, shuning uchun bu qiziqarli jang bo'ladi. Boz ustiga jang AQSHda o'tkazilsa".