Usman 30 oyga diskvalifikaciya qilindi

Kamaru Usmanning ukasi, og'ir vazn toifasida UFC jangchisi Muhammad Usman testosteron istemol qilganini tan oldi va buning natijasida uzoq muddatga diskvalifikaciya qilindi.

Jahonning eng kuchli ligasi jangchilarini dopingga tekshirish bilan shug'ullanuvchi CSAD antidoping agentligi Muhammad Usman o'tgan yilning sentyabr oyida testosteron testidan ijobiy natija ko'rsatgani uchun Rio-de-Janeyrodagi turnirda Valter Uokerga qarshi jangdan chetlatilgan edi.

CSAD rasmiy bayonotiga ko'ra, 36 yoshli jangchi testosteron, shuningdek, taqiqlangan BPC-157 peptidini qo'llaganini tan olgan. SHu bilan birga, Usman dastlab ijobiy testning noto'g'ri tushuntirishini berib, agentlikni chalg'itishga uringan va bu qattiq reakciyaga sabab bo'lgan. Aldashga urinish tufayli antidoping agentligi standart ikki yillik diskvalifikaciyani ikki baravar oshirishi mumkin edi, ammo olti oy qo'shish bilan cheklandi, natijada yakuniy diskvalifikaciya muddati 30 oyni tashkil etdi.

Nigeriyalik og'ir vazn toifasidagi sportchining diskvalifikaciya muddati 2025 yil 9 oktyabrda, u dopingga ijobiy test topshirganidan boshlab hisoblanadi va 2028 yil 9 aprelda tugaydi.

2022 yildan buyon UFC’da faoliyat olib borayotgan Muhammad Usman tashkilotda 6 ta jang o'tkazib, 4 ta g'alaba va 2 ta mag'lubiyat qayd etgan. U oxirgi marta o'tgan yilning iyun oyida Hamdi Abdulvahobni hakamlarning yakdil qarori bilan mag'lubiyatga uchratgan edi.