Usman Nurmagomedov potencial raqiblariga murojaat qildi

Amerikalik Ey Jey MakKi hamda irlandiyalik Pol Xyuz o'rtasidagi jang g'olibi Usman Nurmagomedovning chempionlik kamari uchun davogarga aylanadi.

"Yigitlar, ikkalangizga ham omad yor bo'lsin! Men eng zo'ri bilan jang qilishni istayman. Raqib Ey Jeymi bo'ladimi yoki Xyuz, ochig'i menga buning farqi yo'q", - deya o'zining ijtimoiy tarmoqdagi sahifasida xabar qoldirgan rossiyalik chempion. 

Eslatib o'tamiz, Ey Jey MakKi va Pol Xyuz o'rtasidagi jang bugun Saudiya Arabistoni poytaxti Ar-Riyod shahrida tashkil etiladigan "PFL gigantlari to'qnashuvi" turniri doirasida bo'lib o'tadi. 

Ey Jey MakKi 4 ta g'alabali seriya bilan kelmoqda. U o'zining so'nggi jangida Kley Kollardni birinchi raundning o'zida mag'lub etgandi. Pol Xyuz esa shu yilning iyun oyida Bellator ligasida muvaffaqiyatli debyut qilgan edi. Pol ikkinchi raundda Bobbi Kingni texnik nokaut evaziga mag'lubiyatga uchratgandi. Irlandiyalik bu jangiga qadar Cage Warriors ligasida ketma-ket 5 ta jangda zafar quchgan.

Usman Nurmagomedov esa sentyabr oyida vatandoshi Aleksandr SHabliyni ochkolar hisobiga ko'ra mag'lub etib, chempionlik kamarini muvaffaqiyatli tarzda himoya qilgandi.