13 may 11:56
Yangiliklar

Boks/MMA

Usman Nurmagomedovning Bellator Gran-prisi 1/2 finalidagi raqibi aniqlandi

Engil vaznda amaldagi Bellator promousheni chempioni Usman Nurmagomedovning Gran-pri yarim finalidagi raqibi malum bo'ldi.

Kecha Parij shahrida o'tkazilgan Bellator 296 turnirida ushbu vaznning sobiq chempioni Brent Primus Mansur Barnauini hakamlarning yakdil (48-47, 48-47, 48-47) qarori bilan mag'lubiyatga uchratib, Usmanning raqibiga aylandi.

Eslatib o'tamiz, 25 yoshli Usman Nurmagomedov o'tgan yilning noyabr oyida endilikda sobiq Bellator chempioni Patriki Freyreni mag'lubiyatga uchratib, braziliyalikning kamarini tortib olgan edi.

SHu yilning martida Usman Gran-pri 1/4 finalida sobiq UFC va WEC chempioni Benson Xendersonni birinchi raundning o'zida bo'g'ish usuli bilan taslim etib, 1/2 finalga yo'l olgan va shu bilan birga kamarini himoya qilgandi.