Usman Nurmagomedovning chempionlik himoya jangi tasdiqlandi + POSTER

Rossiyalik chempionning jangi 2025 yilning 25 yanvar kuni BAAning Dubay shahrida PFL turniri doirasida o'tkaziladi. SHu kuni Usman irlandiyalik Pol Xyuzga qarshi oktagonga chiqadi. Ushbu to'qnashuv PFL turnirining markaziy jangi bo'ladi. Jangning rasmiy posterida "Dog'iston Irlandiyaga qarshi 2" degan yozuvni ko'rish mumkin. Birinchi jang deganda Xabib Nurmagomedov - Konor Makgregor qarama-qarshiligi nazarda tutilgan. 

Eslatib o'tamiz, 26 yoshli Usman Nurmagomedov shu yilning sentyabr oyida vatandoshi Aleksandr SHabliyni besh raund to'liq davom etgan jangda ochkolar hisobiga ko'ra g'alaba qozongan edi. Irlandiyalik 27 yoshli Pol Xyuz esa oktyabr oyida Ar-Riyoddagi "PFL gigantlari jangi"da amerikalik Ey Jey MakKini hakamlarning ayri qarori bilan engib, chempionlik kamariga davogar maqomini qo'lga kiritgandi. Bu uning ketma-ket qozongan ettinchi g'alabasi bo'lgan edi.