UWW 2021 va 2022 yillar mavsumi uchun musobaqalar taqvimini tasdiqladi

Bu malumotni UWW Sport direktori Jan-Daniel Rey tasdiqladi.

Tokio Olimpiadasining o'tkazilishi bir yilga surilganidan keyin tabiiy ravishda UWW taqvimida o'zgarishlar ro'y berdi. Qita chempionatlari 2021 yilning boshida o'tkaziladigan bo'ldi. 

Kattalar o'rtasidagi Qita chempionatlari-2021:

 29-31 yanvar: Okeaniya chempionati, Pago Pago, Amerika Samoasi

2-7 fevral: Afrika chempionati, Marrakesh, Marokash

8-14 fevral: Evropa chempionati, Katovice, Polsha

16-21 fevral: Osiyo chempionati, Almati, Qozog'iston                                             

27-30 may: Panamerika chempionati,  Rio-de-Janeyro, Braziliya

Qitaviy olimpiya saralash turnirlari:

12-14 mart: Afrika va Okeaniya, El-Jadidda, Marokash

18-21 mart: Evropa, Budapesht, Vengriya

26-28 mart: Osiyo, Sian, Xitoy

Jahon Olimpiya saralash turniri:

29 aprel - 2 may: Sofiya, Bolgariya 

SHuningdek, kadetlar o'rtasidagi jahon chempionatining sanasi ham o'zgartirildi. Ushbu musobaqa iyul oyining so'nggi kunlariga ko'chirildi. Birinchi Panamerika Yoshlar O'yinlari ham kelasi yili o'tkaziladi. Ushbu musobaqaga kvalifikacion, yani saralash vazifasini kadetlar o'rtasidagi Panamerika chempionati o'tab beradi. Har ikki musobaqaga Argentina davlati mezbonlik qiladi. 

Kadetlar o'rtasidagi qita chempionatlari 2022 yilning iyun oyiga ko'chirildi. Bunga 2022 yilgi O'smirlar Olimpiadasining 2026 yilga ko'chirilgani sabab bo'ldi.