UWW Byurosi yakunlarida katta o'zgarish kuzatilmadi

Unda «Tokyo-202One» reyting turnirlari hamda Byuroning keyingi yig'ilishi qachon o'tkazilishi malum qilindi. SHu ikki yangilikdan tashqari qolgan masalalar bo'yicha qabul qilingan qarorlar o'zgarishsiz, yani o'z kuchida qoldi. Avval elon qilinganidek, yoshlar va kattalar o'rtasidagi jahon chempionatiga dekabr oyida Serbiya poytaxti Belgrad shahri mezbonlik qiladi. Bu ikki nufuzli musobaqa UWW taqvimidan joy olgan. Epidemiologik vaziyat taqozo qilsa, har ikki jahon chempionati dekabr oyida o'tkaziladi.

Eslatib o'tamiz, avvalroq shu yil o'tkazilishi rejalashtirilgan barcha qita chempionatlari, shuningdek, U-23 jahon chempionati bekor qilingan edi. Birlashgan Kurash dunyosi Ijroiya qo'mitasining navbatdagi yig'lishi 5 oktyabr kuni bo'lib o'tadi. Hafta davomida esa barcha azo associaciya va federaciyalarga jahon chempionatiga taklifnoma jo'natiladi. Taklif javobiga qarab dunyo mamlakatlarining har ikki musobaqaga qiziqishi baholanadi. 

"Nasib qilsa, dekabr oyida barchamiz Belgradda sog'-salomat ko'rishib, yoshlar va kattalar o'rtasidagi jahon chempionatlarini muvaffaqiyatli tarzda o'tkazamiz. Albatta, oson bo'lmaydi, lekin biz tashkilotchilar bilan birga restartdagi har ikki musobaqani xavfsiz tarzda o'tkazish uchun barcha chora-tadbirlarni amalga oshiramiz. O'ylaymanki, epidemiologik vaziyat rejalarimizni o'zgartirib yubormaydi", — dedi UWW vice-prezidenti Mixail Mamiashvili.

Bundan tashqari, onlayn tarzda o'tkazilgan yig'ilishda Olimpiada-2021 reyting turnirlari ham tasdiqlandi. Reyting musobaqalari ham xuddi Tokio Olimpiadasi singari bir yilga kechiktirilgan hamda ular taqdim etiladigan reyting ochkolari bilan Olimpiya turniridagi kurashchilarning qura joylashuviga tasir o'tkazadi. 

- 2019 yilgi kattalar o'rtasidagi jahon chempionati

- 2020 yilgi Rim (Italiya) reyting turniri

- 2020 yilgi kattalar o'rtasidagi qita chempionati*

- Bu yil kattalar o'rtasidagi Osiyo chempionatida ishtirok etmagan Xitoy, KXDR va Turkmaniston uchun 2021 yilgi kattalar o'rtasidagi Osiyo chempionati

- 2021 yilgi kattalar o'rtasidagi Okeaniya chempionati

- 2021 yilning yozida o'tkaziladigan Polshadagi Ciolkovskiy (erkin kurash), Pitlyasinskiy (yunon-rim kurashi) hamda Poland Open (ayollar kurashi) xalqaro turnirlari.