UWW jahon chempionati bo'yicha qarorni yana kechiktirdi

Bir muddat avval UWW rasmiylari 6 noyabr kuniga belgilangan Ijroqo'm yig'ilishida 12-20 dekabr kunlari Serbiyaning Belgrad shahrida o'tkazilishi rejalashtirilgan jahon chempionati bo'yicha yakuniy qarorini elon qilinishini aytishgandi.

SHu kunlarda Serbiyaning Novi-Sad shahrida jangovor sambo bo'yicha jahon chempionati bo'lib o'tmoqda. Musobaqa tashkilotchilari pandemiya bilan bog'liq muammolarga duch kelishmayapti. 

Gap shundaki, UWW talab darajasida davlatlar yig'ilmasligidan xavfsiramoqda. Hozirgi holatda Serbiyaga borish bo'yicha kafolat bergan mamlakat terma jamoalari kutilganidan kamroq. AQSH, Yaponiya, Kuba, so'nggi jahon chempionati mezboni Qozog'iston kabi davlatlar jahon chempionatiga kelmasliklarini rasman elon qilib bo'lishdi. 

UWW vice-prezidenti Mixail Mamiashvilining aytishicha, bugungi kun holatiga ko'ra, 60 dan ziyod davlatlar o'z kurashchilarini Belgradga yuborishga rozilik berishgan. 

UWW Ijroqo'mining navbatdagi yig'ilishi 12 noyabr kuni bo'lib o'tadi. SHu kuni rasman jahon chempionatining o'tkazish yoki o'tkazmaslik bo'yicha qaror elon qilinadi.