UWW katta saylovlar arafasida

Bu birinchi galda saylovlar bilan bog'liq holat. Birlashgan kurash dunyosining navbatdan tashqari Kongressida UWW prezidentligi hamda Byurosi uchun saylovlar o'tkaziladi. Koronavirus pandemiyasi bilan bog'liq vaziyatni inobatga olgan holda saylovlarning o'tkazilish tartibi avvalgilaridan farq qiladi. Avgust oyida saylov reglamenti hamda mavsumning qolgan qismi uchun taqvim ham tasdiqlanadi. 

UWWda jami ettita lavozim uchun saylov o'tkaziladi: UWW prezidenti hamda Byuro azoligi uchun 6 o'rin. Ayni paytda UWW prezidentligi uchun yagona nomzod bor - amladagi tashkilot rahbari Nenad Lalovich. UWW prezidenti 6 yilga saylanadi. 

Byurodagi o'rinlar uchun 14 davogar bo'lib, ulardan 5 nafari amaldagi azolar hisoblanadi: Mixail Mamiashvili (Rossiya), Marina Di Bussolo Pellikone (Italiya), Axroljon Ro'ziev (O'zbekiston), Pedro Gama Filyu (Braziliya) va Fuat Meskut (Marokash). SHuningdek, 6 o'ringa Dina Xarenko (Ukraina), Hamid Sorian (Eron), Luchio Kaneva (Italiya), Edisher Machaidze (Gruziya), Don Rayan (Kanada), Daniel Igali (Nigeriya), Jonni Zambrano (Ekvador), Marko Korpela (Finlyandiya) va Yan Karsnak (Slovakiya) kurash olib boradi. 

Malumot uchun, Birlashgan kurash dunyosining Evropa qo'mitasi rahbari Ceno Cenov yaqinda vafot etgan edi. UWW-Evropa rahbarligini vaqtincha greciyalik Teodoros Xamakos bajarib turibdi. U bu lavozimda 2021 yil o'tkaziladigan Evropa chempionati doirasidagi Assambleyagacha faoliyat yuritadi.