UWW sentyabr va oktyabrga mo'ljallangan barcha musobaqalarni bekor qildi

Unda UWW avvalroq sentyabr va oktyabr oylari uchun tasdiqlangan barcha musobaqalarni bekor qilgan. Ijroqo'm azolari bir ovozdan hozirda butun dunyoda davom etayotgan koronavirus pandemiyasi bilan bog'liq vaziyat sabab restart, yani mavsumni kuz faslining dastlabki ikki oyida davom ettirmaslikka qaror qilishgan. 

Xalqaro taqvimdan o'rin olgan musobaqalar orasida yoshlar o'rtasidagi Evropa chempionati (5-11 oktyabr, Polsha) hamda o'smirlar o'rtasidagi Evropa chempionati (19-25 oktyabr, SHimoliy Makedoniya) ham bor edi.

"Dunyodagi koronavirus bilan bog'liq epidemiologik vaziyatni kuzatishda davom etamiz, — dedi UWW prezidenti Nenad Lalovich. — Biz sportchilarning salomatligini birinchi o'ringa qo'yamiz. Xavf ortda qolganiga ishonch hosil qilganimizdan keyingina kurashchilar gilamga qaytishadi".

Navbatdagi UWW Ijroqo'm yig'ilishi sentyabr oyida o'tkazilishi malum qilindi. Boisi, noyabr va dekabr oylariga mo'ljallangan musobaqalarning taqdiri hamon ochiqligicha qolmoqda: noyabrda Finlyandiyada o'tishi rejalashtirilgan U-23 jahon chempionati hamda dekabr oyida Serbiyada o'tkazilishi belgilangan o'smirlar hamda kattalar o'rtasidagi jahon chempionati.