“Uzbek Tigers” - “Venesuela Caciques”. Bokschilarimiz TerDUda shug'ullanishyapti

Hozirda charm qo'lqop ustalarimiz Marat Qurbonov, Rahmatjon Ro'zioxunov, To'lqin Qilichev kabi tajribali murabbiylar qo'l ostida ertangi muhim janglarga tayyorgarlik ko'rishyapti. Mashg'ulotlar Termiz Davlat Universiteti sport zali hamda “Alpomish” sport majmualarida bo'lib o'tmoqda. 

Hozirgina Venesuela jamoasi delegaciyasi samolyotda Toshkentdan Termizga etib keldi. Bir necha daqiqa avval bokschilarimiz buyuk bobokalonimiz Al-Hakim At-Termiziy qadamjosini ziyorat qilishdi. 

Eslatib o'tamiz, O'zbekiston va Venesuela bokschilari o'rtasidagi to'qnashuvlar “Alpomish” sport majmuasida o'tkaziliadi va soat 19:00da boshlanadi. Boks muxlislari jami 10ta jangga guvoh bo'lishadi. Dastlabki beshta jangdan so'ng orada yarim soatlik tanaffus bo'ladi. 

Bugun soat 15:00da bokschilar va ularning murabbiylari ishtirokida matbuot anjumani hamda charm qo'lqop ustalarini tarozidan o'tkazish marosimi o'tkaziladi. 

Boks. Butunjahon boks seriyasi 

7 aprel. Termiz. "Alpomish" sport majmuasi

S1

-49kg: Nodir Mirzaahmedov - Luis Podarki

-56kg: SHahobiddin Zoirov - Yoel Finish

-64kg: Aliyor Noraliev - Kristian Palasio

-75kg: Isroil Madrimov - Endryu Saavedra

-91kg: Sanjar Tursunov - Albert Ramires

S2

-52kg: Jasurbek Latipov - Xesus Roxas

-60kg: SHunqor Abdurasulov - Luis Kabrera

-69kg: Mahmud G'oipov - Gabriel Maestre

-81kg: Bektemir Meliqo'ziev - Nalek Korbaj

+91kg: Bahodir Jalolov - Jordan Ernandes