06 apr 23:35
Yangiliklar
![](/upload/storage/36524_220.jpg)
"Uzbek Tigers" vs "Venesuela Caciques". Matbuot anjumani bo'lib o'tdi
Malumot uchun, bu ikki jamoa joylashgan A guruhida Kubaning Cuba Domadores jamoasi 9 ochko bilan peshqadamlik qilyapti. Ozodlik oroli vakillari o'tkazilgan 4ta jangdan 3tasida g'alabaga erishishgan. Yagona mag'lubiyatni aynan o'zbek bokschilaridan qabul qilib olgan.
“Uzbek Tigers” hamda Kolumbiyaning Colombia Heroicos jamoalari hisobida 5-tur oldidan 7tadan ochko bor. Ertangi raqiblarimiz 5 ochko bilan guruhda so'nggi o'rinni egallab turibdi. CHorak finalga chiqish uchun ertangi ikkita uchrashuvda g'alaba qozonish talab etiladi.
Bugun venesuelaliklarga qarshi jang oldidan matbuot anjumani tashkil qilindi. Marosimni O'zbekiston boks federaciyasi bosh kotibi Murod Mamadaliev kirish so'zi bilan ochib berdi:
M. Mamadaliev: Termiz shahrida o'tkazilayotganidan xursandmiz. Bu tashabbus Surxondaryo viloyatida boksni rivojlantirish uchun xizmat qiladi. Fursatdan foydalanib, barcha tashkilotchilarga boks oqshomini tashkil etishga bergan yordamlari uchun minnatdorchilik bildiraman.
Marina Ni: Birinchi galda O'zbekiston hukumatiga Butunjahon boks seriyasi doirasidagi janglar o'tkazilishini qo'llab-quvvatlagani uchun rahmat aytmoqchiman. Tashkilotchilik juda yuqori darajada. Buni alohida etirof etishim kerak. O'zbekistonda boks birinchi raqamli sport turi ekanligiga yana bir bor amin bo'ldim. Yurtingizda hamma davrda ham kuchli murabbiy va bokschilar bo'lgan. Ayniqsa, bugungi kunda o'zbek boksi dunyoda birinchi o'rinda turibdi.
Frans Lopes (AIBA vakili): Har ikkala jamoaga omad tilayman. Kuchli tomon g'alaba qozonsin.
Matbuot anjumanining birinchi qismida mehmon jamoa azolari ishtirok etishdi. Bokschilar bosh murabbiy Alfredo Lemus boshchiligida anjumanlar zalida hozir bo'lishdi.
A.Lemus: Bokschilaringiz omad yor bo'lsin. Biz ham chiroyli boks namoyish etishga harakat qilamiz.
Anjumanning ikkinchi qismida charm qo'lqop ustalarimiz hamda jamoa bosh murabbiyi To'lqin Qilichev OAV vakillarini qiziqtirgan savollarga javob qaytarishdi.
T. Qilichev: Assalomu alaykum, hurmatli surxondaryoliklar! SHu janglarning Termiz shahrida o'tkazilayotganidan xursandman. Bekzod To'raboevga rahmat. Bokschilarimiz sizlarni uyaltirib qo'ymaslik uchun astoydil harakat qilishadi.
Fikrlar