Vadim Nemkov Bellator 297 turnirining markaziy jangida oktagonga chiqadi + POSTER

Unda amaldagi Bellator chempioni, rossiyalik Vadim Nemkov rasmiy davogar Yoel Romeroga qarshi oktagonga chiqadi. Ushbu chempionlik jangi 16 iyun kuni AQSHning CHikago shahrida o'tkaziladi hamda Bellator 297 turnirining markaziy to'qnashuvi bo'ladi. 

Oqshomning Co-main event jangida ham chempionlik maqomida bo'ladi. Unda yarimengil vaznda Bellator chempioni, promoushenning vazn toifasidan qatiy nazar eng yaxshi jangchisi Patrisio "Pitbul" Freyre engil vazn toifasi chempioni Serjio Pettisga qarshi birlashtiruvchi chempionlik jangida oktagonga ko'tariladi.

Eslatib o'tamiz, o'tgan yilning noyabr oyida Vadim Nemkov yarimog'ir vazn toifasida Gran-pri g'olibiga aylangandi. U final jangida Kori Andersonni ochkolar hisobiga ko'ra mag'lubiyatga uchratgan edi. Yoel Romero esa Aleks Polizzi va Melvin Manxuflarni nokautga uchratgandi.

Aslida Nemkov - Romero jangi 4 fevral kuni Inglvuddagi Bellator 290 turniri doirasida o'tkazilishi kerak edi. Ammo tayyorgarlik uchun vaqtning kamligi sababli rossiyalik chempionning jamoasi tashkilotdan jang sanasini keyinroqqa ko'chirishni so'ragandi.