Vadim Nemkov - Kori Anderson trilogiyasi bekor qilindi!

Afsuski, 2025 yilning 25 yanvar kuni BAAning Dubay shahrida o'tkazilishi belgilangan jang bekor qilindi. Bu haqda amerikalik aralash yakkakurash ustasi o'zining ijtimoiy tarmoqdagi sahifasida xabar berdi. 

"Yigitlar, tezkor xabar – trilogiya bo'lmaydi. Bugun ertalab meni ana shu sovuq xabar uyg'otdi. PFL va Bellator Ligasi rahbarlaridan xabarnoma keldi: "Vadim sen bilan jang qilishdan bosh tortmoqda. Ularning aytishicha, sen Vadim uchun qiyin raqib ekansan. U turnir kardida qolmoqchi, lekin sen bilan jang qilish niyatida emas. Nemkov kuchsizroq raqib olmoqchi". 

Bu holatda sen qanday qilib o'zingni tashkilotning vazn toifasidan qati nazar kuchli jangchisi deb atashing mumkin? Bunchalik qo'rqoq bo'lma! Men senga qarshi jangni etti hafta oldin berishganiga qaramay, qabul qilgandim. Men tayyorman! Men o'yindaman – istalgan paytda va manzilda sen bilan jang qilishga tayyorman. Senga qarshi jang shartnomasini imzolashim bilan Vegasga otlangandim. Hozir esa uyga qaytishga taraddud ko'ryapman. Jang bo'lmas ekan, mashg'ulot o'tkazishdan foyda yo'q!", - dedi jangi bekor bo'lgan Anderson. 

Malumot uchun, o'tgan hafta PFL va Bellator promoshenlari Kori Andersonni Vadim Nemkovning jarohat sabab safdan chiqqan raqibi Ante Deliyuning o'rniga tasdiqlashgandi. 2022 yilda Vadim Nemkov ikki bor Kori Anderson bilan to'qnash kelgandi. Bellator ligasining yarimog'ir vazn toifasi Gran-pri finalidagi ilk jang sportchilarning bosh bilan to'qnashib ketishlari sabab o'tkazilmagan deb topilgandi. Ikkinchi jangda esa rossiyalik aralash yakkakurash ustasi hakamlarning yakdil qarori bilan g'olib bo'lgan edi.