Valentina SHevchenko: "Men "urush"ga tayyorman, lekin jang oson bo'lmaydi"

Qirg'izistonlik chempion bo'lajak jang haqidagi fikrlari bilan o'rtoqlashdi.

"Men har doim eng yaxshilar bilan uchrashganman - eng engil vaznda ham, o'ta engil vaznda ham, - dedi SHevchenko UFC uchun bergan intervyusida. - Bilaman, Veyli - ajoyib, serqirra jangchi. Men yaxshi sparring-janglar o'tkazdim. Tailandda boshladik, keyin Marokash, Las-Vegas, Texasda davom etdik va shu erda, Nyu-Jersida tugatdik. Turli xil geografiya, turli xil mashg'ulot, turfa sheriklar. Albatta, biz raqibni - uning barcha jihatlarini batafsil o'rganishga alohida etibor qaratdik. Eng muhimi, o'zimni juda yaxshi his qilyapman. Meni hech narsa to'xtata olmaydi". 

"Men urushga tayyorman. Engil jang kutmayapman - u bunday bo'lmaydi, - deb qo'shib qo'ydi Valentina. - Men Veylining barcha zaif tomonlarini va ulardan qanday foydalanishni bilaman. Ammo bu jangning oson kechishini kafolatlamaydi. Men bu chaqiriqqa tayyorman. Men o'z kuchimni bilaman, o'zimga to'liq ishonaman va oktagonda borimni berishga tayyorman".

15 noyabrdan 16 noyabrga o'tar kechasi Nyu-Yorkda UFC 322 turniri bo'lib o'tadi. Uning asosiy voqeasi yarim o'rta vazn toifasida Jek Della Maddalena va Islam Maxachev o'rtasidagi chempionlik jangi bo'ladi. SHuningdek, ushbu shou doirasida rossiyalik jangchilar Roman Kopilov, Vyacheslav Borshev va Baysungur Susurkaev ham o'z janglarini o'tkazadi.