Vasiliy Lomachenko - Jameyn Ortis jangi to'liq davom etdi + FOTO

Top Rank promouterlik kompaniyasi tomonidan tashkil etilgan ushbu boks oqshomining markaziy jangi uchta vazn toifasida sobiq jahon chempioni, ukrainalik 34 yoshli Vasiliy Lomachenko (16-2, 11 KO) hamda shu kungacha mag'lubiyat nimaligini bilmay kelgan amerikalik 26 yoshli Jemeyn Ortis (16-0-1, 8 KO) o'rtasida bo'lib o'tdi.

O'n ikki raundga mo'ljallangan jang to'liq davom etdi va g'olib hakamlar qaroriga ko'ra aniqlandi. Unda hakamlar bir ovozdan 115-113, 116-112, 117-111 hisobida Lomachenkoning g'alabasini taminlashdi.

Eslatib o'tamiz, Vasiliy Lomachenko o'zining so'nggi jangini o'tgan yilning dekabr oyida ganalik sobiq jahon chempioni Richard Kommi (30-4-1, 27 KO)ga qarshi o'tkazib, raqibini ochkolar hisobiga ko'ra mag'lubiyatga uchratgandi. Ortis esa shu yil may oyida Jamel Xerring (23-4, 11 KO)dan ustun kelgan edi.

Vasiliy Lomachenko esa bu g'alabadan so'ng engil vazning mutlaq chempioni Devin Xeyniga qarshi jang qilish imkoniga ega bo'ldi.