Vatan himoyachilari kuniga bag'ishlangan tadbir

O'zbekiston mudofaasiga ko'maklashuvchi "Vatanparvar" tashkiloti CHirchiq avtomobil maktabida 14 yanvar - Vatan himoyachilari kuni va O'zbekiston Qurolli Kuchlarining 26 yilligi bayrami munosabati bilan "Milliy armiyamiz- yoshlarning mardlik, matonat va jasorat maktabidir" nomi ostida bayram tadbiri o'tkazildi.

Kollej - mahalla - maktab hamkorligida tashkil etilgan tadbirda Toshkent Harbiy Okrugi faxriylar kengashi, Mudofaaga ko'maklashuvi "Vatanparvar" tashkiloti Toshkent viloyati kengashi, CHirchiq shahar hokimligi, CHirchi shahar "Mahalla" jamg'armasi, CHirchiq shahar yoshlar ittifoqi, CHirchiq davlat pedagogika instituti va boshqa mutasaddi tashilotlardan mehmonlar taklif etildi.

Tadbir davomida avtomobil maktabida talim olayotgan "VS" toifadagi texnik mutaxassislar tayyorlash ikkinchi bosqich harbiy xizmatga chaqiriluvchilari, ushbu maktab qoshidagi sportning texnik va amaliy turlari bilan shug'ullanuvchilari tomonidan ko'rgazmali chiqishlar qilindi.

"Vatanparvar" tashkiloti Toshkent viloyati kengashi tasarrufidagi "Vatanparvar taronalari" ansambli, CHirchiq shahar 30-sonli maktabgacha talim muassasasi tarbiyalanuvchilari, 7-sonli musiqa va sanat maktabi o'quvchilari hamda CHirchiq Davlat pedagogika instituti talabalaridan iborat badiiy jamoalarning sahna ko'rinishlari, kuy-qo'shiqlari tadbirga o'zgacha zavq ulashdi.

Tadbir so'ngida tashkilotchilar tomonidan taklif etilgan faxriylar, oficer,  va askarlarga faxriy yorliq va esdalik sovg'alari topshirildi.