"Vatan seni faqat g'alaba bilan kutadi". Bosh vazir Abdulla Aripov Olimpiyachilarimizga omad tiladi

Bugun Toshkent Xalqaro aeroportida delegaciyamizning asosiy tarkibi kun chiqar yurtga charter reys bilan jo'nab ketdi. Delegaciya tantanali tarzda kuzatildi. Tadbirda O'zbekiston Respublikasi Bosh vaziri Abdulla Aripov, Oliy Majlis Senati raisi Tanzila Narbaeva ham ishtirok etishdi hamda sportchilarimizga omad tilashdi. Hukumatimiz rahbarlari delegaciya bayrog'ini tantanali ravishda MOQ raisi Rustam SHoabdurahmonovga topshirdi. 

SHundan so'ng so'z olgan hukumat rahbari:

"4 yil emas, 5 yil davomida siz sport oilasi intiqib, mehnat qilib kutgan kun keldi mana. Eng muhimi, mashaqqat bilan qo'lga kiritigan 71 ta licenziya egalari Tokioda yurtimiz sharafini munosib himoya qilishi kerak. Sizning tayyorgarlik ko'rishingiz uchun har tomonlama sharoit yaratib berildi. Nazarimda, biror federaciya vakili yoki sportchi yana qandaydir qo'shimcha chora-tadbirlar ko'rilsa bo'lardiyu, lekin unga mablag' etmadi deb ayta olmaydi. Negaki, Prezidentimizning topshiriqlari asosida federaciya rahbarlari bilan birgalikda bir necha marta yig'ilish o'tkazilgan va so'ralgan mablag'lar bilan taminlangan. Tayyorgarlik ham shunga yarasha bo'ldi deb hurmatli Prezidentimizni ishontirsam bo'ladimi?", - deya murojaat qildi sportchilarimizga mamlakatimiz Bosh vaziri Abdulla Aripov.

"Hurmatli sportchilar, unutmangki, sizni 35 million xalq duo qiladi, sizga muxlislik qiladi, sizni intiq bo'lib kutadi. Ulug'  Vatanning ulug' farzandi, bilib qo'yki, seni Vatan kutadi. Vatan seni faqat g'alaba bilan kutadi",- dedi Aripov Prezidentimizning olimpiadachilariga bildirgan ishonchlarini eslatar ekan.