Vazirlikda “Korrupciya va komplaens nazorat” mavzusida o'quv kursi tashkil etildi

Yig'ilishda berilgan topshiriqlarning ijrosini taminlash maqsadida, joriy yil 13 oktyabr kuni Jismoniy tarbiya va sport vazirligi hamda Adliya vazirligi qoshidagi Yuristlar malakasini oshirish markazi hamkorligida Jismoniy tarbiya va sport vazirligi tizimidagi tashkilot va muassasalar rahbarlari uchun “Korrupciya va komplaens nazorat” mavzusida o'quv kursi vedeokonferenciya shaklida tashkil etildi.

Unda vazirlik tizimida faoliyat yuritayotgan 200 dan ziyod rahbar kadrlar ishtirok etdi. O'quv kursi davomida Yuristlar malakasini oshirish markazi professor-o'qituvchilari tomonidan O'zbekiston Respublikasi Korrupciyaga qarshi kurashish siyosatining mazmun-mohiyati, Korrupciyaga qarshi kurash to'g'risidagi qonun xujjatlari: xalqaro standartlar hamda milliy qonunchilik, Korrupciyaga oid xuquqbuzarliklar uchun javobgarlik, Davlat organlari faoliyatida “komplaens nazorat” tizimini taminlash mexanizmlari kabi mavzular bo'yicha maruzalar qilindi.

SHuningdek, o'quv kursida aholining huquqiy savodxonligini o'sishi korrupciyaga qarshi kurashda muhim ahamiyatga ega ekanligi, huquqiy savodxonlikning etishmasligi korrupciyaning kelib chiqishiga sabab bo'layotganligi alohida takidlab o'tildi.

O'quv kursi yakuni bo'yicha tinglovchilar o'zlarini qiziqtirgan savollarga tegishli javob oldilar.