"Velosiped sporti faxriylari" musobaqasi o'tkaziladi

Mazkur turnir O'zbekiston Respublikasi Jismoniy tarbiya va sport vazirligi, Ichki ishlar vazirligi, Toshkent shahar hokimligi, O'zbekiston faxriylarining ijtimoiy faoliyatini qo'llab-quvvatlash "Nuroniy" jamg'armasi, Fuqarolarning o'zini-o'zi boshqarish organlari faoliyatini muvofiqlashtirish bo'yicha Respublika Kengashi bilan hamkorlikda o'tkazilmoqda.

Ushbu musobaqa o'tkazilishidan asosiy maqsad keksa avlod vakillarini ijtimoiy hayotdagi faolligini oshirish, sport faxriylari misolida sog'lom turmush tarzini targ'ib etish, velosiped sporti turini ommalashtirish, kundalik hayotda velosipeddan foydalanish orqali jismoniy chiniqish va ekologiyani asrashdan iboratdir.

Malumot uchun, musobaqa 2018 yil 4 may kuni Toshkent shahri,"Paxtakor" markaziy stadionida soat 10-00 boshlanadi. Toshkent shahar va Toshkent viloyatida istiqomat qiluvchi 50-65 yoshdagilar va 65 yoshdan katta barcha sport faxriylari va faxriylar ishtirok etishlari mumkin.

O'zbekiston velosiped sporti federaciyasi matbuot xizmati