Velosport bo'yicha musobaqaga start berildi

Jumladan, shu kunlarda respublikamizning barcha hududlari bo'ylab Vatanimiz Mustaqilligining 29 yilligiga bag'ishlab bir qator sport turlari bo'yicha musobaqalar tashkil etilmoqda.

Bugun, 8-sentyabr kuni velosport bo'yicha musobaqa start olmoqda. Etiborlisi, velopoygachilar karantin davridan so'ng ilk bor shosseda o'zaro bellashadilar. 

Musobaqaning bugungi bahslarida sportchilar yakkalik poyga bo'yicha musobaqalashadi. Reglamentga ko'ra, yakkalik poygalar barcha yosh toifalarida 20 km masofada bo'lib o'tadi.

Ertaga esa velosportchilar guruh poygasi bahslarida kim eng kuchli ekanligiga oydinlik kiritishadi. Guruh poygasida erkaklar o'rtasidagi bahslar 83 km masofada, ayollar o'rtasidagi bahslar esa 41 km masofada o'tkaziladi.

Musobaqa Toshkent viloyatining Bo'stonliq tumanida bo'lib o'tmoqda.