Velosport bo'yicha O'zbekiston chempionati yakunlandi

O'zbekiston Respublikasi Jismoniy tarbiya va sport vazirligi hamda Velosiped sporti federaciyasi hamkorligida CHirchiq – G'azalkent trassasi bo'ylab 81.3 km masofada o'tkazilgan mazkur guruh poygalarida, asosan, poytaxtimizdagi Respublika ixtisoslashtirilgan Olimpiya zahiralari maktab-internati, Qishki va murakkab texnik sport turlari bo'yicha Respublika oliy sport mahorati maktabi, Namangan, Xorazm, Farg'ona viloyatlari, Toshkent shahri, shuningdek, CHirchiq ixtisoslashtirilgan Olimpiya zahiralari maktab-internati jamoalarining 80 nafar sportchisi sovrinli o'rinlar uchun davogarlik qilishdi.

To'rt bosqichda davom etgan poygalar natijasiga ko'ra, CHirchiq shahri vakili Marat Sulyaev O'zbekiston chempionligini qo'lga kiritdi. G'olibning butun masofa bo'ylab o'rtacha tezligi 38.93 km/soatga teng bo'ldi. Etiborlisi, musobaqada ikkinchi va uchinchi sovrinli o'rinlarni band etgan Konstantin Elli va Damir Zabirov ham CHirchiq ixtisoslashtirilgan Olimpiya zahiralari maktab-internati tarbiyalanuvchilaridir.