Velosport. Fredrik Magne mamlakatimizda seminar o'tkazdi

Savol-javob tarzida olib borilgan mazkur seminarda asosan yosh sportchilar bilan ishlash, mashg'ulotlar o'tkazish, yuklamalarni to'g'ri tanlash, sportchilarning to'g'ri ovqatlanishi borasida fikrlar almashinuvi bo'lib o'tdi.
Ushbu seminarda Respublikamizda faoliyat olib borayotgan murabbiylar ishtirok etdi. SHulardan Jizzax viloyati, Arnasoy tumani, Bolalar va o'smirlar sport maktabining velosport bo'limi murabbiyi xam ishtirok etib, ushbu mashg'ulotda juda ham ko'p yangiliklarga, ilmiy-uslubiy qo'llanmalarga, axborotlarga ega bo'lganligini, sportchilar uchun belgilanadigan mashg'ulot yuklamalari bo'yicha malumotga ega bo'lganligini, trek yo'nalishi bo'yicha yakkalik poygalarida sportchilar psixologiyasini rivojlantirish zarurligi borasida ko'plab taassurotlarga ega bo'lganligini takidladi.

O'z o'rnida Fredrik Magne hududlarda o'quv-yig'in mashg'ulotlari, master-klasslar, seminar-treninglar o'tkazish maqsadida Xalqaro velosipedchilar Ittifoqi tomonidan beg'araz murabbiy-mutaxassis yuborishini aytib o'tdi.

Seminar yakunida murabbiylarga sertifikatlar topshirildi.