22 apr 11:31
Yangiliklar

Velosport

Velosport: "SHAHRISABZ OPEN" xalqaro turniri yakunlandi + FOTO

Avval xabar berganimizdek, kecha Qashqadaryo viloyatida velosportning shosse yo'nalishi bo'yicha "SHAHRISABZ OPEN" xalqaro turniriga start berilgan edi.

Musobaqaning ikkinchi kungi bahslari doirasida ishtirokchilar velosportning kriterium guruh poygasi yo'nalishi bo'yicha o'zaro kuch sinashdi.

Jami 70 nafardan ortiq sportchi SHahrisabz shahridagi "Oq saroy" majmuasi atrofida 60 km masofani aylangan holda bosib o'tishdi. Kriterium guruh poygasi yo'nalishi bo'yicha g'olib va sovrindorlar quyidagicha ko'rinish oldi:

1. Umidjon Baxtiyorov (Xorazm);

2. Damir Zabirov (Toshkent viloyati);

3. Akrom Sunnatov (Toshkent viloyati).

Musobaqa g'olib va sovrindorlari tashkilotchilar tomonidan diplom, pul mukofotlari va qimmatbaho estalik sovg'alari bilan taqdirlanishdi.