Velosportchilarimiz Osiyo chempionatini 8 ta medal bilan yakunlashdi

18-22 iyun kunlari o'tgan musobaqada terma jamoamiz vakillari 8 ta medal qo'lga kiritishdi.

CHempionatning yakuniy kuni Indira Gandi arenasida Farruh Bobosherovning g'alabasi sharafiga davlatimiz madhiyasi yangradi. Yoshlar o'rtasida ochkolar bo'yicha guruh poygasi dasturida kechgan bellashuvlarda hamyurtimiz raqiblarini katta farq bilan ortda qoldirishga erishdi.

Yigitlar, ochkolar bo'yicha guruh poygasi (U-20)

1. Farrux Bobosherov (O'zbekiston) – 74 ochko

2. Li Sungyonu (Koreya Respublikasi) – 24

3. Yumnam Birdjit (Hindiston) – 23

SHuningdek, bugungi bellashuvlarda Asal Rizaeva omnium, Nafosat Kozieva hamda Yanina Kuskova juftligi medison dasturida bronza medallariga sazovor bo'lishdi. SHu tariqa, velotrek bo'yicha O'zbekiston terma jamoasi qita birinchiligini 1 ta oltin va 7 ta bronza medallari bilan yakunladi.

Oltin medal

Farrux Bobosherov – yoshlar o'rtasida ochkolar bo'yicha guruh poygasi

Bronza medallari

Yanina Kuskova – ayollar o'rtasida individual poyga

Sofiya Karimova – qizlar o'rtasida ochkolar bo'yicha guruh poygasi

Vladislav Troman – yigitlar o'rtasida omnium poygasi

Yanina Kuskova – ayollar o'rtasida ochkolar bo'yicha guruh poygasi

Sofiya Karimova – qizlar o'rtasida skretch dasturi

Asal Rizaeva – qizlar o'rtasida omnium dasturi

Nafosat Kozieva hamda Yanina Kuskova – ayollar o'rtasida medison, juftlik.