23 may 16:19
Yangiliklar

Velosport

Velosportchilarimiz Rossiyadagi xalqaro turnirlarda ishtirok etadilar

Teglar : Velosport

24-26 may kunlari Rossiyaning Tula shahrida "Grand Prix of Tula", 30 may-1 iyun kunlari Moskva shahrida "Grand Prix of Moscow" velosport-trek yo'nalishi bo'yicha erkaklar hamda ayollar o'rtasida xalqaro musobaqa o'tkaziladi.

Velosiped sporti bo'yicha O'zbekiston terma jamoasi sportchilari va murabbiylari ushbu xalqaro musobaqalarda ishtirok etish uchun Moskva shahriga jo'nab ketishdi.

Ushbu turnirlarda 11 mamlakat vakillari ishtirok etadilar. Bahslar 2020 yili Tokio shahrida (Yaponiya) bo'lib o'tadigan XXXII yozgi Olimpiya va XVI Paralimpiya o'yinlariga reyting ballarini to'plash imkonini beradi.

Xalqaro musobaqada sportchilarimiz keyrin, skretch, medison, omnium, sprint yo'nalishlari bo'yicha bellashadilar.

Biz ushbu musobaqalarda sportchilarimizga omad tilab qolamiz.