Velosportchilarimiz xalqaro musobaqada ishtirok etdilar

O'zbekiston velosiped sporti Federaciyasi hamda Birlashgan Arab Amirligining ayollar velojamoasi "Al-Asyal" bilan shartnoma tuzilganligi, unga ko'ra, mazkur jamoa O'zbekiston velosiped sporti terma jamoasi azolariga o'quv-yig'in mashg'ulotlari o'tkazishda tegishli amaliy yordam ko'rsatishi belgilanganligi hamda joriy yilning 4 yanvar-6 fevral kunlari O'zbekiston velosiped sporti terma jamoasi vakillari Ekaterina Knebeleva  hamda Renata Baymetovalar mazkur jamoaning mashg'ulotlarida ishtirok etishayotganligi to'g'risida avval xabar berilgandi.

Kuni kecha “Tour of EFTALIA HOTELS & VELO ALANYA 2.2 UCI WE RACE” ayollar o'rtasida o'tkazilgan turnirda sportchimiz Ekaterina Knebeleva "Al-Asyal" ayollar velojamoasida birinchi o'rinni egallab, Xalqaro velosipedchilar Ittifoqi (UCI) poygasida beshinchi o'rinni qo'lga kiritdi.

Mazkur turnirdan so'ng sportchilarimiz Osiyo CHempionatida ishtirok etish uchun Malayziyaga uchib ketishdi. Malumot uchun, Osiyo CHempionati 16-20 fevral kunlari Malayziyaning Kuala-Lumpur shahrida erkaklar, ayollar va yoshlar o'rtasida velosport-trek yo'nalishi bo'yicha o'tkaziladi.