Vena (ATP). Yannik Sinner qozog'istonlik tennischini to'xtatdi

Italiyalik tennischi 1/4 finalda ATP reytingida 16-o'rinda borayotgan qozog'istonlik Aleksandr Bublikni ikki setda ham bir xil hisobda mag'lubiyatga uchratdi - 6/4, 6/4. Tennischilarning o'zaro uchrashuvlarida Yannik oldinda bormoqda - 5:2. 

Etmish sakkiz daqiqa davom etgan bahsda Sinner 8, Bublik 9 ta eys zarbasini amalga oshirgan. Italiyalik qo'shxatoga yo'l qo'ymadi - 0:4. Breyklar bo'yicha ustunlik g'olib tomonida bo'ldi - 2 ga 0. Bugun Yannik final chiptasi uchun turnirda uchinchi raqam ostida tasniflangan avstraliyalik Aleks de Minaurga qarshi kortga chiqadi.