VIDEO. Yana bir o'zbek-qozoq qarama-qarshiligi - Doniyor Qayumov qozoq MMAchisini jangga chorladi

O'zbekistonlik bloger Doniyor Qayumov Octagon 37 musobaqasida Magerram Axmedov (0-2) ustidan g'alaba qozongan qozog'istonlik Asilxan Tolepov (1-0)ni jangga chorladi.

Asilxan Tolepov uchun bu faoliyatidagi debyut jang edi. U kino va teatr aktyori hisoblanadi.

Qozog'istonlik aktyor/jangchi hamyutimizning chorlovini qabul qildi, va unga "qozoqlarning kim ekanini ko'rsatib qo'yishi"ni aytib javob qaytardi.

"Bu yigit qaerdan chiqqanini, oktagonga qaerdan kirib ketganini bilmayman. Avvalo, Qozog'istonga xush kelding. Men hech kimni jangga chorlamayman, ammo menga tashlashsa, qabul qilaman. Hozir urushamiz desang, hozir urushaman. Men senga qozoqning kim ekanini ko'rsatib qo'yaman. Nuraddin og'a (Octagon ligasi menejeri) har qanday joyda, O'zbekistondami boshqa joydami, chorlovni qabul qilaman. Kim bilan qo'yishingizdan qatiy nazar oktagonga chiqaman", - deb aytib o'tgan qozog'istonlik aktyor/jangchi.