Viloyatlarda Gandbol sayli tashkil qilindi

«Gandbol sayl»lari Andijon, Sirdaryo, Namangan, Farg'ona, Xorazm va Navoiy viloyatlaridagi istirohat bog'larida tashkil qilindi. Soat 11:00da boshlangan sport bayramlari yig'ilganlarda iliq taassurot qoldirdi. Tadbirda O'zbekiston terma jamoasi sobiq azosi, bugungi kunda murabbiy sifatida faoliyat olib borayotgan Ziyovuddin Ahmedov, terma jamoa azolari Samandar Nabijonov, Iskandar Obidjonov kabi gandbolchilar ham ishtirok etishmoqda. Ular tomoshabinlarga o'z mahoratlarini namoyish etishdi.

Xabaringiz bor, Milliy olimpiya qo'mitasi ana shunday tadbirlarni har bir sport turida o'tkazishni rejalashtirgan. Hozircha velosport va taekvondo WTF sport turlaridan sayllar tashkil qilindi.

Qayd etish lozimki, bunday sayllar aholini sportga qiziqtirish, ommaviylashtirish va sog'lom turmush tarzini targ'ib etishda muhim ahamiyat kasb etadi.