Vinus Uilyams Australian Open'ga wild card oldi

Turnir tashkilotchilari Vinusga wild card, yani asosiy to'rda to'g'ridan-to'g'ri ishtirok etish huquqini beruvchi imtiyozli yo'llanma taqdim etishdi. 

"Yanvar oyida Avstraliya Ochiq chempionatida qatnashish uchun Melburnga qaytishdan juda xursandman. Men 20 yildan ortiq Yashil qitadagi musobaqalarda ishtirok etganman va avstraliyaliklar har doim meni samimiy qo'llab-quvvatlashgan. 

Yana muxlislar qarshisida o'ynash men uchun sharaf va bu turnir bilan bog'liq yangi xotiralar bo'lishini intiqlik bilan kutyapman", - dedi amerikalik tennischi.

Uilyams o'z faoliyatida 22-marta mavsumdagi ilk "Ulkan Toj" turnirida ishtirok etadi (u birinchi marta 1998 yilda qatnashgan). Uning eng yaxshi natijasi - final (2003, 2017) bo'lgan.