Virjil Ortic: "Men hech qachon hech kim bilan jangdan qochmaganman"

— Bu sizning faoliyatingizdagi eng katta jang bo'ldimi?

"Men juda xursandman. Jangning shunday kechishi kutilgan edi. Men eng yaxshi bokschi ekanligimni bilardim. Barchaga hurmatni saqlagan holda aytaman. Biz bu jang qanday kechishini bilardik. U kuchli raqib. U dunyodagi eng yaxshi bokschilardan biriga mag'lub bo'lganidan keyin o'zining kuchli ekanini isbotlash maqsadida g'alaba qozonish uchun ringga chiqdi. Biz esa shunchaki bu vaznda eng zo'ri ekanligimizni va har kimga qarshi jang qilishga tayyor ekanligimizni ko'rsatmoqchi edik".

— Jang boshida siz Madrimovning tezkor harakatlariga duch kelishingiz aniq edi. Bu muammoni hal qilishning kaliti nimada edi?

"Sabr. Oldinga shoshilmang, zarbalar berishda ham shoshmang. Bu men boksda yillar davomida o'rgangan narsam – hammasini bitta zarbada sarflamaslik. Men aqlli bo'lishim va zarbalarni to'g'ri tanlashim kerakligini bilardim".

— Jangning ikkinchi yarmida u biroz asabiylashdi. O'sha paytda siz uchun nima muhim bo'ldi?

"Faqat xotirjam bo'lish, yonib ketmaslik. Men jang qilishni yaxshi ko'raman. Xotirjam bo'ling va eng yaxshisini bajaring".

— Endi siz shubhasiz bu vazndagi eng yaxshilardan birisiz. Endi nima qilmoqchisiz?

"Men faqat eng yaxshilariga qarshi jang qilmoqchiman. Turki kim bilan kelishsa, men "ha"deyman. Uning o'zidan so'rashingiz mumkin – ular nima deyishidan qatiy nazar, men hech qachon hech kimdan qochmaganman", dedi Ortis.