Vladimir Nazlimov: Sportdagi eng muhim omil – bu xarakter

Unda Milliy olimpiya qo'mitasi vakillari, O'zbekiston qilichbozlik federaciyasi rahbariyati, murabbiylar, sportchilar va ommaviy axborot vositalari vakillari ishtirok etishdi.

Dastlab federaciya bosh kotibi Gulnora Saidovaga so'z berildi. Mutaxassis pandemiya davrida mamlakat federaciyasi tomonidan amalga oshirilayotgan ishlar, xususan, qilichbozlar ishtirokidagi onlayn tarzda tashkil etilgan mashg'ulotlar va musobaqalar haqida so'zlab berdi. SHuningdek, u tadbir ishtirokchilariga ananaviy o'quv-mashg'ulot yig'inlarini tashkil etish, so'nggi yillarda milliy terma jamoaning qurol-anjomlar bazasi yangilanishi natijasida kattalar va kadetlar o'rtasida respublika turnirlari yuqori saviyada o'tayotgani to'g'risida malumot berdi. Xuddi shuningdek, bugungi kunda asosiy etibor o'smirlar va kadetlarga qaratilgani takidlandi.

SHundan so'ng, qilichbozlik bo'yicha uch karra Olimpiya chempioni, o'n karra jahon chempioni, O'zbekiston milliy terma jamoasi bosh murabbiyi (sablya) Vladimir Nazlimov o'z fikr-mulohazalarini bildirdi. Vladimir Aliverovich o'z nutqida uzoq yillik murabbiylik tajribasi bilan o'rtoqlashdi, tadbir qatnashchilariga milliy terma jamoaning muhim mashg'ulot jarayonlari, mamlakatimizda sport sohasiga ko'rsatilayotgan etibor va yaratilgan sharoitlar haqida so'zlab berdi.

“Sportdagi eng muhim omil – bu xarakter. Avval ham, hozir ham sportga etarlicha etibor qaratilgan, hech narsa o'zgarmagan. Avvalgi davr sportchilari qiyinchilikka qaramay, o'z maktabi va o'ziga xos xarakterini yaratishgan. O'zbekistonda sportga qaratilayotgan etibor meni xursand qiladi. Mamlakat murabbiylari qilichbozlik haqida etarlicha malumotga ega. Ammo g'alaba qozonish uchun katta xohish va istak ham bo'lishi kerak. Murabbiylar jonkuyar pedagoglar sanaladi, shu jihatdan shogirdlarining natijasi ularning kasbiy mahoratiga bevosita bog'liq», – dedi Vladimir Nazlimov.

Suhbat davomida Vladimir Aliverovich Xalqaro qilichbozlik federaciyasi prezidenti Alisher Usmonov va uning ushbu sport turini rivojlantirishga qo'shayotgan hissasi to'g'risida o'z fikrlarini bildirib o'tdi.

«Alisher Burxonovichning aniq va uzoqni ko'ra oladigan rahbarligi ostida Xalqaro qilichbozlik federaciyasi – FIE o'z geografiyasini kengaytiryapti. SHu tarzda qisqa vaqt ichida u qilichbozlik rivojlanayotgan mamlakatlar safini kengaytirdi. 90-yillar boshida qilichbozlik Olimpiya dasturida yashab qolishi gumon bo'lgan sport turlaridan biri edi. Ammo shu insonning say-harakati, o'z vaqtida qabul qilgan aniq chora-tadbirlari tufayli butun dunyoda qilichbozlik bosqichma bosqich rivojlana boshladi. Buning yorqin namunasi sifatida Olimpiya o'yinlari dasturiga ayollar sablyasining kiritilishi bo'ldi. Endilikda Tokio-2020 Olimpiadasida ham qilichbozlikning barcha yo'nalishlari – rapira, shpaga va sablya bo'yicha medallar jamlanmasi o'ynaladi. Bir vaqtlar butun dunyo buni deyarli imkonsiz, deb hisoblar edi. Ammo barcha to'siqlarga qaramay, Alisher Usmonov yuqoridagi yutuqlarga erishdi. Haqiqiy vatanparvar sifatida u O'zbekistonda qilichbozlikni rivojlanishiga ham o'z hissasini qo'shib kelmoqda».

Mutaxassis matbuot anjumani ishtirokchilari savollariga ham javob qaytardi.

Tadbir davomida O'zbekistonda qilichbozlikni rivojlantirish istiqbollari, o'tmishdagi natijalar va qilichbozlik mavsumining hozirgi tafsilotlari, milliy terma jamoa azolarini bo'lajak xalqaro musobaqalarga tayyorlash, shuningdek, “Xanchjou-2022” Osiyo o'yinlari va «Parij-2024» Olimpiya o'yinlari oldidan qo'yilgan maqsadlar muhokama qilindi.

Anjuman yakunida sog'lom turmush tarzini ommalashtirish, aholi o'rtasida olimpiya harakati va qilichbozlikni rivojlantirish, yosh avlodni barkamol bo'lib voyaga etishini taminlashga qo'shgan ulkan hissasi va 75 yoshga kirishi munosabati bilan Vladimir Nazlimov Milliy olimpiya qo'mitasi nomidan Faxriy yorliq bilan taqdirlandi.