Voleybol: 2024 yilgi natijalar sarhisob qilindi

Ichki ishlar vazirligining madaniyat saroyida tashkil etilgan tadbirda O'zbekiston voleybol federaciyasi raisining birinchi o'rinbosari B.Abdullaev, sport vaziri o'rinbosari SH.Mahmudov va boshqa mutasaddilar ishtirok etib, o'tayotgan yil mamlakatimiz voleybol jamoalari uchun omadli bo'lganini etirof etdi.

Takidlanganidek, joriy yilning iyul oyida davlatimiz rahbarining “Voleybol sport turlarini yanada rivojlantirish to'g'risida”gi qarori qabul qilinib, ushbu tarixiy hujjat asosida keng qamrovli say-harakatlarga qo'l o'rildi. CHora-tadbirlar rejasi ishlab chiqildi.

Yil davomida turli yosh toifalari o'rtasidagi mamlakat birinchiliklari tizimli tarzda yuqori saviyada o'tkazilishi yo'lga qo'yildi. Xalqaro hamkorlik aloqalari kengayishi asnosida rivojlangan davlatlarning voleybol mutaxassislari, ekspertlari bilan amaliy munosabatlar o'rnatildi. 

Xalqaro voleybol federaciyasi rahbari boshchiligidagi delegaciya yurtimizga tashrif buyurib, istiqbolli loyihalar bo'yicha kelishuvlarga erishildi. Maktab, mahalla, oliy o'quv yurtlarida voleybol bo'yicha liga musobaqalari, kubok bahslari tashkil etildi. Buning natijasida ming-minglab yoshlar mazkur sport turi bilan qamrab olindi.

Tadbirda yilning eng yaxshi sportchilari, fidoyi murabbiylar, hakamlar va bir guruh mutaxassislar munosib taqdirlandi. Kelgusi rejalar belgilab olindi.