Voleybolchi talaba-qizlar g'oliblik uchun bellashdi

“Besh tashabbus” olimpiadasi doirasida o'tkazilgan bellashuv qizg'in va murosasiz bahslarga boy bo'ldi. Unda viloyatdagi oliy talim muassasalarining voleybolchi qizlari o'z mahorat va chaqqonliklarini namoyish etishdi.  

Malakali hakamlar baholab borgan musobaqa yakunida Termiz davlat pedagogika instituti jamoasi faxrli birinchi o'rinni qo'lga kiritdi. Ikkinchi o'rin Termiz davlat universiteti va uchinchi o'rin Toshkent tibbiyot akademiyasi Termiz filiali voleybolchi qizlariga nasib etdi.  

G'oliblar diplom va esdalik sovg'alari bilan taqdirlandi. Viloyatda talaba-yoshlarning “Besh tashabbus” olimpiadasi bo'yicha bellashuvlari davom etmoqda.