Volkanovski CHikadzeni Kattarga qarshi jangdan oldingi xatti-harakatlari uchun tanqid qildi

Jang oldidan CHikadze amaldagi chempionni "Koreyalik zombi"ga qarshi jang qilib, "oson yo'lni" tanlaganlikda aybladi va Volkanovski "top-10likdagi eng oson jang"ni tanlaganini aytdi.

"Quloq soling, har doim yomon gaplarni aytuvchi odamlar bo'ladi. Bu o'yinning bir qismi, biz buni tushunamiz. Ammo, boshqa tomonlari ham bor. Bundan tashqari, bu haqiqiy hurmatsizlik - nafaqat menga, balki Kelvin Kattarga ham. Sening oldingda bir odam bor, eng yaxshi davogar, va sen xuddi shu odamdan o'tmoqchi bo'lgandek harakat qilasan. Men haqimda gapirishni boshlashdan oldin g'alaba qozonishingdan boshlaylik.

Men uni hurmat qilardim. Esimda, u "Siz bilan jang qilishni intiqlik bilan kutaman" degandi, keyin men unga "Do'stim, qilayotgan ishingda davom et" degandim. Men u bilan mana shu muloqotimizni eslayman. Ammo, keyin u boshqacha harakat qila boshladi. Bilmayman, balki u shunchaki zarur deb shunga qaror qilgandir. "Kattarni mag'lub qilganing maqul, bo'lmasa juda yomon ko'rinasan", deb o'yladim. Keyin bilsam bu yomon tanlov edi, chunki u o'zi ahmoq ko'rinadi. Va keyin u "Zombi"ga ham tegib o'tdi", — Volkanovskining so'zlarini keltiradi MMA Fighting.