Volkanovski Oliveyra - Dariush bahsi g'olibi bilan jang qilmoqchi

"Dariush Oliveyraga qarshi, bu juda ajoyib jang albatta. Hammamiz bilamiz, Beneil kamarga munosib edi. Ehtimol, u avvalroq bunga loyiq bo'lgan edi. Bu jang u uchun juda muhim. SHu bilan birga CHarlz ham bu jangda g'alaba qozonishi kerak, sababi uning so'nggi jangi chempionlik kamari uchun bo'lgan. Oliveyraning bir nechta ajoyib chempionlik g'alabalari bor. Buni amalga oshirish oson bo'lmagan.

Jang g'olibi keyinchalik nima qilishini ko'ramiz. Men hali ham engil vaznda chempionlik kamarini qo'lga kiritishni istayman. Bu vaqt masalasi xolos. Balki, bu jangda g'olib boshqa raqibga qarshi kurashar, men esa g'olib bilan biroz keyinroq to'qnash kelarman. Oldinda hali vaqt bor. Nima bo'lishidan qati nazar men tayyorman" - dedi Volkanovski.