WADA Tamash Ayanga qo'yilayotgan yangi ayblovlardan xavotirda

Yanvar oyi boshida Germaniyaning ARD telekanali jurnalist Xayo Zeppeltning IWF va tashkilot rahbari Tamash Ayanni korrupciya yaratish va doping natijalarini yashirganlikda ayblovchi filmni namoyish etdi. Natijada kanadalik advokat Richard Maklaren boshchiligida tergov boshlangani elon qilindi.

Iyun oyida Insidethegames portali tergov natijalarini elon qildi, unda Ayan 40 ta musbat doping-testni yashirgani, saylovlarda ovoz olish uchun pora berish tizimi tashkil qilgani va 10 million dollardan ortiq aniqlanmagan mablag' topilgani haqida xabar bergan edi.

Payshanba kuni playthegame.org portalida Ayanga qarshi bir qator yangi ayblovlar o'rin olgan malumotlar paydo bo'ldi. Xususan, maqolada 2013 yildagi maktublarga etibor qaratilib, unda IWFning sobiq rahbari ozarbayjonlik og'ir atletikachilar uchun test sinovlarining manfiy natijalarini qayta ishlashga aralashgani haqida aytilgan. WADAning qayd etishicha, bu qoidabuzarliklar to'g'risida agentlik endi bilmoqda.

«IWF sobiq prezidenti tomonidan sodir etilgan xatti-harakatlar haqidagi bu so'nggi davolar kishini darg'azab qiladi. Izlanishlarni boshlab bergan WADA razvedka va tergov departamenti, shuningdek OAV xabarlari va professor Maklaren xulosalariga ko'ra, og'ir atletikada uzoq vaqtdan beri toqat qilingan, rag'batlantiriladigan va yashiringan doping madaniyati mavjud bo'lgan. Bu achchiq xabarni Antidoping agentligi va butun dunyo bo'ylab halol sportga g'amxo'rlik ko'rsatayotganlar qabul qila olmasligi aniq. WADA ushbu sport turidagi sportchilarga xavfsiz va sog'lom muhitda teng sharoitlarda bellashish uchun barcha imkoniyatlarni ishga solishda davom etadi», dedi WADA bosh direktori Vitold Banka.

WADA Xalqaro og'ir atletika federaciyasining yangi rahbariyatidan Ayan ishini ko'rib chiqishda OAVning so'nggi xabarlarini inobatga olishni so'radi. SHuningdek, agentlik federaciyaga qarshi o'z surishtiruv ishlarini davom ettirayotgani, shuningdek, jinoyat ishi qo'zg'atgan turli huquqni muhofaza qilish idoralari bilan hamkorlik qilib kelayotganligi haqida xabar berdi.