06 sen 18:30
Yangiliklar

Boks/MMA

WBA: Hasanboy Do'smatov chempionlik jangiga yaqin + FOTO

WBA tashkiloti ijtimoiy tarmoqdardagi sahifalari orqali birinchi o'ta engil vaznda o'zbekistonlik professional bokschi Hasanboy Do'smatov (5-0-0, 5 KO) haqida post elon qildi.

Postda tashkilot bokschimizning tez orada chempionlik jangi uchun ringga chiqishini malum qilgan:

"Professional boksda Hasanboy Do'smatov 2019-2022 yillar davomida beshta jang o'tkazgan va ularning barchasida muddatidan oldin g'alaba qozongan. U professional boksda muvaffaqiyat qozonish uslubi hamda jahon chempionligi yo'lida jang qilish uchun zarur bo'lgan fazilatlarga ega ekanini ko'rsatdi.

Do'smatov o'zida ko'p fazilatlarni mujassam etgan, u tomosha qilish uchun qiziqarli jangchi. Hasanboy Do'smatovga etibor qaratish kerak, chunki u tez orada chempionlik jangi uchun ringga chiqishi mumkin", - deyiladi WBA xabarida.

Eslatib o'tamiz, Hasanboy Do'smatov prof boksdagi so'nggi jangini o'tgan yilning may oyida meksikalik Moyzes Kairoga qarshi o'tkazib, muddatidan oldin g'alaba qozongan edi.

Malumot uchun, birinchi o'ta engil vaznda amaldagi WBA chempioni yaponiyalik bokschi Kenshiro Teraji (21-1-0) hisoblanadi.