WBC bir nechta nominaciya bo'yicha 2025 yilning eng yaxshilarini aniqladi (Barcha nominaciya g'oliblari)

Eng nufuzli - "Yil bokschisi" nominaciyasida birinchi yarim engil vazn toifasida mutlaq jahon chempioni, o'tgan yili to'rtta muvaffaqiyatli chempionlik himoya jangini o'tkazgan Naoya Inoue g'olib deb topildi.  

WBC talqini bo'yicha "Yilning eng yaxshi jangi" ikkinchi o'rta vazn toifasida vaqtinchalik chempionlik uchun Kristian Mbilli va Lester Martines o'rtasidagi jang etirof etildi. Ushbu jang 13 sentyabr kuni bo'lib o'tgandi. Ikki istiqbolli va mag'lubiyatsiz bokschilar o'rtasidagi ushbu jangda durang natija qayd etilgan edi.

Superog'ir vaznda WBC, IBF va WBO yo'nalishlari chempioni Aleksandr Usik "Yilning eng yaxshi nokauti" mukofotini qo'lga kiritdi. Ukrainalik bokschi o'tgan yilning iyul oyida Daniel Dyubuaga qarshi mutlaq jahon chempionligi unvoni uchun kechgan jangda britaniyalik raqibini nokautga uchratgandi. 

WBC yilning eng yaxshi murabbiyi sovrinini ikki ota-murabbiylar SHingo Inoue va Freddi Fundora o'rtasida taqsimlashga qaror qildi. SHunisi qiziqki, har ikkala ota ham, murabbiy ham bir emas, birdaniga ikkita farzandini muvaffaqiyatga olib kelishgan. SHingo Inoue mutlaq jahon chempioni Naoy Inoue va WBC chempioni Takuma Inoue, Freddi Fundora esa eng engil vazn toifasida mutlaq jahon chempioni Gabriela Fundora va WBC chempioni Sebastyan Fundoraga murabbiylik qilmoqda.

Aynan Gabriela Fundora WBC tomonidan ayollar o'rtasida "Yilning eng yaxshi bokschisi" sovrinini qo'lga kiritdi.