WBC chempioni Devid Benavidesning keyingi jangi elon qilindi

U 2 may kuni AQSHning Las-Vegas shahrida birinchi og'ir vazn toifasida amaldagi WBA va WBO yo'nalishlari chempioni, meksikalik Xilberto Ramiresga qarshi jang qiladi. Bu haqda Amerikaning nufuzli ESPN portali o'z manbalariga tayanib, xabar berdi.

29 yoshli Benavides professional ringdagi debyutini 2013 yil 17 avgustda o'tkazgan. Uning rekordi 31 ta g'alabadan iborat bo'lib, ulardan 25 tasi nokaut bilan yakunlangan. 34 yashar Ramires hisobida esa 48 ta g'alaba (30 KO) va 1 ta mag'lubiyat bor.