WBC. Reytingdagi 7 nafar o'zbek bokschisi qanday o'rinda?

WBC boshqa tashkilotlardan farqli ravishda kuchli 15 bokschini emas, 40 nafar charm qo'lqop ustasi reytingini elon qiladi. 

Kuni kecha elon qilingan reytingdan 7 nafar o'zbekistonlik bokschi o'rin olgan. 

Birinchi yarim o'rta vazn toifasida (-63,50 kg) faoliyatini davom ettirayotgan SHohjahon Ergashev WBC reytingida 30-pog'onadan joy olgan. Yana bir charm qo'lqop ustamiz Anvar Turopov esa 40-pog'onaga joylashgan. 

Yarimo'rta vazn toifasida janglarda ishtirok etadigan Qudratillo Abduqahhorov (-66,67 kg) sakkizinchi o'ringa joylashgan.

Birinchi o'rta vazn toifasida (-69,8 kg) WBA Intercontinental chempionlik kamari sohibi bo'lib turgan charm qo'lqop ustamiz Isroil Madrimov yangilagan reytingning 27-pog'onasidan joy olgan. 

Ikkinchi o'rta vazn toifasidagi Azizbek Abdug'ofurov (-76,2 kg) esa avvalgi oydagi kabi ikkinchi o'rinda qolgan. Eslatib o'tamiz, Azizbek ayni paytda WBC Silver kamari sohibi hisoblanadi. Mazkur vaznda shuningdek Bektemir Meliqo'ziev 38-pog'onaga joylashgan.

Superog'ir vazn toifasida mag'lubiyatsiz odimlayotgan charm qo'lqop ustamiz Bahodir Jalolov yangilangan WBC reytingida 39-pog'onani egallab turibdi.