WBC reytingi yangilandi: Qudratillo va Elnur reytingni tark etdi, Otabek Xolmatov Top-15 da + POSTER

Butunjahon Boks uyushmasi fevral oyi uchun yangilangan reytingni elon qildi. Qudratillo Abduqahhorov hamda Elnur Abduraimov reytingni  tark etdi. Otabek Xolmatov mazkur reytingga ilk bor kiritildi.

SHu tariqa, reytingda 10 nafar charm qo'lqop ustamiz o'rin egalladi. 

Ularning joylashgan o'rinlari bilan tanishing:

Superog'ir vazn: Bahodir Jalolov o'tgan oydagi o'rniga nisbatan 1 pog'ona pastlab, 16-o'ringa joylashdi;

Super o'rta vazn toifasi (76,2 kg): Azizbek Abdug'ofurov 2 pog'ona yuqoriladi va 10-o'ringa joylashdi; Bektemir Meliqo'ziev 22-o'rinni band etdi, o'tgan oyda u 24-pog'onada edi;

Super yarim o'rta vazn (69,8 kg): Isroil Madrimov o'tgan oydagi kabi 6-o'ringa joylashdi;

Yarim o'rta vazn (66,6 kg):  SHahram G'iyosov 19-o'rin; Jamshidbek Najmitdinov 30-o'rinda, har ikki bokschimizning o'rinlarida o'zgarish yo'q;

Super engil vazn (63,5 kg): SHohjahon Ergashev o'tgan oydagi kabi 13-o'rinda qayd etildi; Botir Ahmedovda ham o'zgarish yo'q - 21-o'rin;

Yarim engil vazn (57,1 kg): Otabek Xolmatov 15-o'rin;

Birinchi o'ta engil vazn (48,8 kg): Hasanboy Do'smatov o'tgan oydagidan 2 o'rin ko'tarilib 10-pog'onani band etgan.